Landsnet óskar eftir að ráða drífandi og lausnamiðaðan einstakling í starf viðskiptastjóra/-stýru, sem brennur fyrir því að byggja upp traust og skapa verðmæti í samstarfi við viðskiptavini okkar. Viðkomandi gefst tækifæri til að efla tengsl við núverandi og nýja viðskiptavini og taka þátt í að móta framtíð raforkumarkaðarins. Um tímabundið starf er að ræða til eins árs, frá janúar 2026 til janúar 2027.
Hlutverk þitt
- Byggja upp og viðhalda traustum samskiptum við viðskiptavini.
- Greina þarfir, stöðu og áform viðskiptavina á raforkumarkaði.
- Skapa virði með ráðgjöf og þjónustu sem skilar árangri.
- Þróa þjónustu, vörur og stafrænar lausnir sem bæta upplifun viðskiptavina.
- Taka þátt í þjónustumælingum, greiningu vaxtartækifæra og umbótaverkefnum.
Við leitum að einstaklingi með
- Háskólamenntun sem nýtist í starfi, t.d. viðskiptafræði, lögfræði, verkfræði eða skyldum greinum.
- Reynslu af viðskiptastjórnun, samningaviðræðum, ráðgjöf eða þjónustuþróun.
- Áhuga og/eða skilning á raforkumörkuðum.
- Frumkvæði, greiningarhæfni og hæfni til að leiða umbætur.
- Góða samskipta- og samstarfshæfni.
Við bjóðum þér
- Tækifæri til að hafa áhrif á þróun þjónustu Landsnets og samskipti við viðskiptavini.
- Þverfaglegt og skapandi starfsumhverfi sem leggur áherslu á nýsköpun og umbætur.
- Samstarf við fjölbreyttan hóp sérfræðinga sem vinna að framtíð raforkukerfisins.
- Skemmtilegt vinnuumhverfi með aðstöðu til líkamsræktar, frábæru mötuneyti og fleira.
- Stuðning við að vaxa í starfi og bæta við þig þekkingu.
- Tækifæri til að vinna við verkefni sem skipta máli fyrir samfélagið og framtíðina.
Landsnet er þjónustufyrirtæki í eigu þjóðarinnar sem sér um flutning raforku á Íslandi um háspennukerfi landsins. Fyrirtækið tryggir öruggan, stöðugan og skilvirkan flutning rafmagns um landið. Hjá Landsneti starfar kraftmikill hópur fólks með fjölbreyttan bakgrunn og menntun. Boðið er upp á faglegt umhverfi með stórum hópi sérfræðinga og fyrirmyndaraðstöðu. Áhersla er lögð á þjálfun og þróun starfsfólks og jafnvægi einkalífs og vinnu skiptir fyrirtækið miklu máli. Gildi Landsnets eru: Ábyrgð – Samvinna – Virðing.
Nánari upplýsingar um Landsnet má finna á heimasíðu fyrirtækisins www.landsnet.is.
Umsóknarfrestur er til og með 24. nóvember 2025. Umsókn þarf að fylgja ferilskrá og kynningarbréf. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni.
Nánari upplýsingar veitir Helga Birna Jónsdóttir (helga@intellecta.is) í síma 511 1225.
