Ferlar
Ferlar eru hryggjarstykki hvers fyrirtækis: ósýnilega kerfið sem heldur rekstrinum gangandi.
Þegar þeir virka vel taka starfsmenn betri ákvarðanir, verkefni klárast hraðar og þjónusta verður skilvirkari. Þegar þeir virka illa hægir allt á sér: verkefni dragast, ábyrgð dofnar og kostnaður hækkar.
Hjá Intellecta vitum við að sterkir ferlar snúast ekki bara um skref, töflur og skýrslur. Þeir snúast um fólk, tækni, stefnu, og um að skapa rekstur sem styður við markmið fyrirtækisins, ekki öfugt. Það er kjarni þess sem við gerum.
Við þekkjum ferla, fólk og tækni
Við byggjum á innsæi og gögnum
Við sameinum greiningu gagna, reynslu og innsæi til að sjá heildarmyndina. Þannig göngum við úr skugga um að lausnirnar sem við mótum séu ekki aðeins fræðilega réttar heldur hagnýtar, framkvæmanlegar og í takt við raunverulegar þarfir fyrirtækisins.
Fólk og ferlar í samhengi
Við trúum því að árangursrík stjórnun sé meira en afsprengi af skipulagi og verkferlum heldur gerist það þegar fólk, ferlar og stefna vinna saman í jafnvægi. Með því að samræma þessa þætti verður auðveldara að skapa menningu sem stuðlar að samstarfi, skilvirkni og árangri.
Ferlar sem uppspretta verðmætasköpunar
Fyrirtæki sem kunna á ferla sína hafa forskot.
Þau taka upplýstar ákvarðanir
Brjóta vegferðina niður í skýra áfanga
Tryggja að allir hreyfast í sömu átt.
Þau stjórna ekki bara breytingum, þau skapa vöxt.
Oft er fyrsta skrefið að skoða hvernig ferlar virka í dag, og hvernig þeir geta skapað meiri kraft á morgun. Þess vegna bjóðum við upp á þrjár sérhæfðar þjónustur á þessu sviði sem má sjá hér að neðan. Saman skapa þær sterka heild sem skilar mælanlegum umbótum.
Þjónustur
Ferlagreining
Hvar stöndum við?
Mótun ferla
Hvernig viljum við vinna?
Sjálfvirknivæðing
Tækni sem skilar árangri
Ferlagreining, að skilja stöðuna áður en gripið er til aðgerða
Sterk ferlavinna hefst alltaf á skýrri mynd af því hvernig hlutirnir virka í dag. Engar ágiskanir, bara staðreyndir, gögn og innsæi.
Við hlustum á fólk, speglum hugmyndir og hjálpum stjórnendum að sjá heildarmyndina. Erfiðustu verkefnin eru oft skemmtilegust, það sem öðrum þykir flókið og erfitt er okkur spennandi áskorun.
Ferlagreining er sérstaklega mikilvæg þegar:
- nýir stjórnendur koma að borðinu
- fyrirtæki vaxa hratt
- óánægja starfsmanna eða viðskiptavina fer að sjást
- kostnaður eykst án augljósrar skýringar
- verkefni standa í stað
Góð greining skapar traustan grunn. Án hennar er hætta á að innleiðing fari út um þúfur eða að fjárfestingar skili sér ekki.
Mótun og innleiðing ferla, þar sem hugmyndir verða að rekstri
Þegar staðan er ljós tekur við vinna við að móta betri framtíð.
Í mótun og innleiðingu ferla vinnum við náið með stjórnendum og teymum til að skapa einföld, skýr og framkvæmanleg vinnuflæði sem styðja við stefnu fyrirtækisins.
Við:
- skilgreinum skýrar ábyrgðir
- eflum samspil milli teymis og tækni
- brjótum flækjustig niður í skýr skref
- tryggjum að ferlar verði lífandi hluti af daglegum rekstri
- undirbúum teymi fyrir breytingar á vinnubrögðum
Hér skiptir mannlegi þátturinn máli. Við speglum, ráðleggjum og styðjum stjórnendur í gegnum breytingar svo þau verði farsælar og vel ígrundaðar. Breytingar eru ekki markmið eitt og sér, en þær eru nauðsynlegar þegar fyrirtæki vilja vaxa.
Sterk innleiðing skilar sér í:
- meiri skilvirkni
- betri upplifun starfsmanna
- lægri áhættu
- skýrari ákvörðunartöku
- stöðugri rekstri sem byggir á gagnadrifinni stjórnun
Þegar vel tekst til breytir ferlavinna ekki bara einstökum verkferlum, hún umbreytir hvernig fyrirtæki starfar.
Sjálfvirknivæðing ferla, meiri gæði, meiri hraði, minni sóun
Eftir að ferlar hafa verið greindir og mótaðir skapast ný og öflug tækifæri: sjálfvirknivæðing.
Þar hefur Intellecta sérstöðu. Við sameinum reynslu af ferlum, rekstri, tækni og mannauði. Þetta þýðir að við lítum ekki bara á sjálfvirkni sem tæknilausn, heldur sem leið til að styrkja fólk og bæta ákvarðanir.
Í sjálfvirknivæðingu skoðum við:
- hvaða ferlar eru best fallnir til sjálfvirknivæðingar
- hver ávinningurinn er (tími, kostnaður, gæði, áhætta)
- hvernig hægt er að innleiða lausnir stig af stigi
- hvernig þjálfun og breytingastjórnun styður við nýjar vinnuaðferðir
Við nýtum tækni á eins aðgengilegan hátt og hægt er, rétt tækni á réttum tíma.
Það er ekki markmið að sjálfvirknivæða allt, heldur að velja þau atriði sem skila mestum árangri.
Ávinningurinn er skýr:
- oft 30–60% styttri afgreiðslutími
- færri villur, færri mistök og aukinn rekjanleiki
- betri upplifun starfsfólks
- aukin áhersla á virðisaukandi verkefni
- hraðari þjónusta við viðskiptavini
Við höfum áralanga reynslu af því að greina ferla, móta þá og innleiða sjálfvirkni óháð tækni á áhrifaríkan hátt. Það gerir okkur sterkari á þessu sviði.
Ferlar + fólk + tækni = bættur rekstur
Öflug ferlavinna snýst um meira en góða skýrslu. Hún snýst um samspil:
- fólks, sem þarf skýrar leiðbeiningar og aðstöðu til að ná árangri
- tækni, sem styður það sem skiptir máli
- stefnu, sem mótar ákvörðunartöku
- faglegra vinnubragra, sem tryggja stöðugleika og gæði
Af hverju velja fyrirtæki Intellecta í þessa vinnu ?
Við erum óháð öllu nema viðskiptavininum
Það þýðir að ráðgjöf okkar er einlæg, hlutlaus og byggð á fagmennsku.
Það þýðir að við erum óháð tækni og seljum ekki lausnir.
Við sameinum tækni, mannauð og rekstrahæfni
Þessi samsetning er sjaldgæf, og hún skilar sterkari ferlum, betri innleiðingu og markvissari sjálfvirkni.
Við höfum áralanga reynslu
Við höfum stýrt fjölmörgum flóknum verkefnum og hjálpað fyrirtækjum að ná meiri skilvirkni, betri nýtingu og skýrari rekstri.
Við þekkjum þær áskoranir sem koma upp á leiðinni.
