Vegvísir
Vegvísir nýtist við innleiðingu á stefnu og hagnýtingu tækni
Sameinum fólk, ferla og tækni með vegvísi.
Ólíkir hagaðilar innan og utan skipulagsheilda þurfa að hafa sameiginlega sýn og hvernig þeirra vinna er liður í stærri vegferð.
Vegvísir sem leiðarljós að framtíðarstöðu
Vegvísirinn er ekki bara skjal, hann er leiðarljós sem sýnir skýra stefnu fram á við. Hann getur verið afurð stafrænnar stefnumótunar, greiningar eða vinnustofa og styður við stafræn umbreytingarverkefni, kostnaðargreiningu og ákvörðun um innvistun eða útvistun. Vegvísirinn hentar jafnt fyrir afmörkuð svið sem og heildarfyrirtæki, og tryggir að tæknin verði virkur drifkraftur vaxtar og árangurs.
Ný tækni á að einfalda, ekki flækja
Innleiðing nýrra lausna getur flækt tæknikeðjuna og aukið óhagræði ef ekki er haldið vel utan um ferlið. Kröfur, samkeppni, tæknileg þróun og jafnvel samrunar setja aukinn þrýsting á reksturinn, og of oft fer dagleg umsjón tæknimála á kostnað umbóta og nýsköpunar.
Þess vegna þarf að staldra reglulega við, meta stöðuna og uppfæra vegvísi sem byggir á stefnu og framtíðarsýn fyrirtækisins. Með réttum fókus tryggjum við að verkefni, ferlar og hæfni mannauðs styðji við raunverulegar lausnir sem einfalda og styrkja reksturinn.
Við styðjum að stefnan virki
Hjá Intellecta styðjum við stjórnendur í að móta stefnu sem er sterk, raunhæf og framkvæmanleg. Við sameinum djúpa þekkingu á rekstri og mannauði, sem gerir okkur að sterkum samstarfsaðila sem undirbyggir raunverulegan árangur.
