Ráðningaþjónusta
Intellecta býður upp á heildstæða og faglega ráðningaþjónustu fyrir fyrirtæki og opinberar stofnanir.
Faglegt ráðningarferli tryggir ekki aðeins árangur í dag, heldur leggur traustan grunn fyrir framtíðina. Góð ráðning er afleiðing vandaðs ferlis.
Við finnum fólkið fyrir þig
Við bjóðum upp á heildstæða ráðningaþjónustu:
- Ráðningar stjórnenda og sérfræðinga
- Opinberar ráðningar
- Skrifstofu- og þjónustustörf
- Störf í upplýsingatækni
Auk þess veitum við ráðgjöf við gerð starfslýsinga, ráðningasamninga, fyrirlögn persónuleikaprófa og erum með þér í gegnum allt ráðningarferlið.
Bóka fund með ráðgjafa
Ráðningar fyrir fyrirtæki
Intellecta hefur áratuga reynslu af ráðningum fyrir fyrirtæki á öllum sviðum atvinnulífsins. Við veitum heildræna og sérsniðna þjónustu, allt frá því að skilgreina þörfina til þess að tryggja farsæla ráðningu. Þjónustan okkar er persónuleg, fagleg og byggir á djúpum skilningi á mannauðsmálum og þörfum viðskiptavina.
Með öflugu tengslaneti og markvissum aðferðum getum við boðið upp á skilvirka og vandaða sérhæfða leit (headhunting) – þar sem réttur einstaklingur finnst hratt og örugglega.
Ráðningar fyrir opinberar stofnanir og sveitarfélög
Intellecta hefur áralanga reynslu af ráðningum fyrir opinberar stofnanir og sveitarfélög, þar sem kröfur um fagmennsku, gagnsæi og vandaða málsmeðferð eru í forgrunni. Við aðstoðum við ráðningar stjórnenda og sérfræðinga með heildrænni nálgun, allt frá greiningu á þörf og mótun starfslýsingar til auglýsingar, umsýslu umsókna og hæfnimats.
Sterkt orðspor og vönduð framkvæmd
Við vinnum í nánu samstarfi við þá sem hafa ráðningarvaldið og mótum matsramma og hæfniviðmið í samræmi við ströngustu kröfur stjórnsýslunnar. Intellecta nýtur trausts í þessum verkefnum og hefur byggt upp sterkt orðspor fyrir vandaða framkvæmd og áreiðanlega þjónustu.
Intellecta er aðili að rammasamningi ríkisins um ráðgjöf í mannauðsmálum, sem tryggir að ferlin séu í samræmi við opinberar kröfur og verklag.
