Sveitarfélagið Múlaþing óskar eftir að ráða sviðsstjóra stjórnsýslu. Viðkomandi ber ábyrgð á faglegri og skilvirkri stjórnsýslu sveitarfélagsins í samráði við sveitarstjóra og er staðgengill hans. Sviðsstjóri stjórnsýslu starfar samkvæmt stjórnskipulagi og samþykktum Múlaþings og gegnir leiðtogahlutverki sem yfirmaður á stjórnsýslusviði. Sviðsstjóri vinnur náið með sveitarstjóra og öðrum stjórnendum að því að tryggja gott skipulag, gagnsæi og vönduð vinnubrögð í allri stjórnsýslu sveitarfélagsins. Undir stjórnsýslusvið heyra einnig menningar-, kynningar- og atvinnumál.
Helstu verkefni og ábyrgð
- Undirbúningur og eftirfylgni með fundum sveitarstjórnar og byggðaráðs.
- Ritun og varðveisla fundargerða og opinberra skjala og sér um að afgreiðslur sveitarstjórnar og byggðaráðs komist í réttan farveg.
- Samhæfing og stuðningur við verkefni sveitarstjóra.
- Staðgengill sveitarstjóra.
- Þjónusta við kjörna fulltrúa.
- Umsjón með stjórnsýsluferlum sveitarfélagsins.
- Eftirlit með að stjórnsýsla sé í samræmi við lög, reglugerðir og innri verklagsreglur.
- Þróun og innleiðing verklags og gæðakerfa innan stjórnsýslu.
- Yfirumsjón með menningarmálum.
- Yfirumsjón með upplýsinga- og kynningarmálum.
- Samskipti við íbúa, stofnanir og aðra hagsmunaaðila.
- Leiðandi í stefnumótun og umbótaverkefnum sveitarfélagsins.
Menntunar- og hæfniskröfur
- Háskólapróf í opinberri stjórnsýslu, lögfræði eða öðrum tengdum fræðum.
- Framhaldsmenntun á háskólastigi sem nýtist í starfi.
- Mikil og haldbær reynsla í opinberri stjórnsýslu og/eða stjórnunarreynsla.
- Góð þekking á stjórnsýslulögum og regluverki sveitarfélaga.
- Leiðtoga- og forystuhæfileikar.
- Framúrskarandi samskiptahæfni, sjálfstæði og frumkvæði í vinnubrögðum og góð skipulagsfærni.
- Góð þjónustulund og öguð vinnubrögð.
- Mjög góð færni í íslensku í rituðu og töluðu máli.
- Mjög góð almenn tölvufærni, s.s. af skjalakerfum og Microsoft 365
- Gerð er krafa um hreint sakavottorð og gott orðspor.
Launakjör eru samkvæmt kjarasamningum sveitarfélagsins og viðkomandi stéttarfélags. Tekið er mið af jafnréttisáætlun Múlaþings við ráðningar í störf hjá sveitarfélaginu. Vinnustaðir Múlaþings eru reyklausir og fjölskylduvænir.
Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is
Umsóknarfrestur er til og með 11. desember 2025. Umsókn óskast fyllt út á www.intellecta.is og með henni þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið.
Nánari upplýsingar veita Sigríður Sandholt (sigridur@intellecta.is) og Lea Kristín Guðmundsdóttir (leakristin@intellecta.is) síma 511 1225.
