Ferilskrá og kynningarbréf
Mikilvægt er að bæði ferilskrá og kynningarbréf séu skýr, vel uppsett og að þau dragi fram hæfni og reynslu á markvissan hátt sem tengist starfinu sem sótt er um.
Ferilskrá
Mikilvægt er að hún sé skýr, ekki of löng og snyrtilega uppsett. Góð regla er að fá einhvern annan til að lesa yfir lokaútgáfu hennar.
Gott að hafa í huga:
- Að sníða ferilskránna að starfinu: leggðu áherslu á þá reynslu og hæfni sem tengist beint því starfi sem sótt er um.
- Hnitmiðað og skýrt: forðastu óþarfa texta og notaðu skýrar fyrirsagnir og stuttar lýsingar á verkefnum og árangri. Gott að miða við 1-2 bls í lengd.
- Gættu að uppsetningu og yfirferð: vel uppsett ferilskrá með réttri stafsetningu og góðri yfirsýn eykur líkurnar á að hún fái athygli.
Sniðmát ferilskráa
Kynningarbréf
Kynningarbréf er framlenging af ferilskrá þar sem hægt er að gera ítarlegri grein fyrir því sem einstaklingur hefur fram að færa til ákveðins starfs.
Gott að hafa í huga:
- Áhugi og tenging við starfið: útskýrðu af hverju þú hefur áhuga á starfinu og afhverju þú ákvaðst að sækja um.
- Taktu dæmi um hæfni og árangur: nefndu stutt og skýr dæmi sem sýna hvernig reynsla þín og hæfni nýtist í starfinu.
- Persónuleg en fagleg: láttu persónulegan tón skína í gegn þannig að bréfið verði eftirminnilegt og einlægt.
