Mannauðsráðgjafi / sérfræðingur í ráðningum
Intellecta
Reykjavík
Hefur þú brennandi áhuga á að leiða einstaklinga saman?
Við í ráðningardeild Intellecta óskum eftir að bæta öflugum einstaklingi í teymið okkar.
💡Sem mannauðsráðgjafi og sérfræðingur í ráðningum munt þú vinna að ráðningum sérfræðinga og stjórnenda, bæði fyrir einkamarkaðinn og hið opinbera. Verkefnin eru fjölbreytt og færð þú tækifæri til að leiða verkefnin þín frá A-Ö, hvort sem er í gegnum auglýsingu eða leit (e. head-hunting). Samstarfsfólk þitt er þó alltaf til staðar – við bökkum hvert annað upp!
⭐Til að ná árangri í starfinu þarft þú að hafa getu til að vinna sjálfstætt að mörgum og fjölbreyttum verkefnum og stýra samskiptum við fjölmarga hagsmunaaðila. Verkefni okkar geta verið flókin og þá reynir á þrautseigju og lausnamiðaða hugsun – við gefumst ekki upp💪
⭐Árangur viðskiptavina okkar og umsækjenda skiptir okkur mestu máli – Því er mikilvægt að þú hafir ríka þjónustulund, jákvætt hugarfar og hæfni í mannlegum samskiptum. Í starfinu reynir á færni í að finna besta fólkið hverju sinni og er mikilvægt að þú hræðist ekki að nálgast fólk með hinum ýmsu leiðum og þá reynir á sannfæringarmáttinn!
⭐Við erum fagleg og skilum vönduðum og árangursríkum ráðningum. Ef þú hefur afburða skipulagsfærni, auga fyrir smáatriðum, getu til að keyra verkefni áfram af fagmennsku og býrð yfir góðri íslenskukunnáttu er líklegt að þú náir góðum árangri í þessu starfi.
⭐Það er mikill kostur ef þú ert með gott tengslanet í íslensku atvinnulífi ásamt háskólamenntun, reynslu af stjórnun, ráðningum og mannauðsmálum.
👉 Ráðningarteymi Intellecta samanstendur af sjö kraftmiklum og samhentum ráðgjöfum sem bíða spennt eftir nýjum liðsfélaga. Það er alltaf líf og fjör og mikið að gera, en við elskum að hafa gaman og hlæjum mikið en gefum samt aldrei afslátt af fagmennskunni.
Um Intellecta: Intellecta var stofnað árið 2000 og starfar á tveimur sviðum: ráðgjöf og ráðningum. Við vinnum með stjórnum og æðstu stjórnendum við að bæta rekstur og auka verðmæti fyrirtækja og stofnana. Ráðgjafar okkar hafa sterkan faglegan bakgrunn og víðtæka alþjóðlega reynslu. Ráðgjafarsvið Intellecta sinnir verkefnum s.s. á sviði upplýsingatækni, stefnumótunar og stjórnunar auk þess sem kjarakönnun Intellecta hefur veitt stjórnum og stjórnendum góða innsýn inn í þróun launa á markaði.
🎉Á næstunni flytjum við í nýtt og glæsilegt húsnæði að Höfðabakka 9, þar sem boðið verður upp á fyrsta flokks vinnuaðstöðu. Nánari upplýsingar um fyrirtækið má finna á www.intellecta.is.
Umsóknarfrestur er til og með 2. maí 2024 en unnið verður úr umsóknum jafnóðum. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir hæfni sem nýtist í starfi. Við svörum öllum umsækjendum að ráðningu lokinni.
Nánari upplýsingar veita Thelma Kristín Kvaran ([email protected]) og Torfi Markússon ([email protected]) í síma 511 1225.