Gagnaauðlind Sjávarútvegsins
Kortlagning og tækifæri
2023
Gögn og bætt aðgengi að þeim geta orðið drifkraftur íslensks sjávarútvegs og gert greinina samkeppnishæfari á heimsvísu
Augu manna hafa opnast fyrir því að gögn eru auðlind fyrir þá sem geta unnið úr þeim upplýsingar sér til framfara og ávinnings. Til þess að svo megi vera þarf að safna gögnunm skipulega, auka gæði þeirra og varðveita þau með öruggum hætti. Aukin áhersla á gæði gagna og samtengingu margra gagnasafna má eru áhrifaríkar leiðir til að ná fram meiri verðmætasköpun í greininni. Gervigreind og önnur tækniþróun undanfarinna ára hefur gjörbreytt möguleikum til úrvinnslu og meðhöndlun gagna. Í dag má segja að gögn séu orðin drifkraftur fyrirtækjanna og hagkerfisins og hefur þeim verið líkt við eldsneyti sem knýr áfram nýsköpun og eru forsenda fyrir stefnumótun og ákvarðanatöku.
Markmið þessa verkefnis er annars vegar að greina hvaða gögnum er safnað í sjávarútvegi í dag, hvar þau eru, hverjir þurfa á þeim að halda og hins vegar að benda á tækifæri og leiðir til að nýta gögnin betur til virkari stjórnsýslu, eftirlits og til eflingu rannsókna. Í verkefninu hefur verið dreginn upp meginferill veiða, löndunar, vinnslu og útflutnings sjávarfangs og þau gögn sem verða til í ferlinu dregin fram. Bent er á ný tækifæri sem blasa við, án þess að þau séu skilgreind frekar. Segja má að verkefnið sé fyrsta skrefið í að leysa úr læðingi ný tækifæri til meiri samkeppnishæfni íslensks sjávarútvegs.
Íslenskur sjávarútvegur býr yfir mikilli gagnaauðlind sem hefur orðið til síðastliðna áratugi. Fyrst og fremst er um að ræða gögn sem eru varðveitt hjá opinberum stofnunum, fiskmörkuðum, útgerðum og vinnslum víða um land. Þessi gögn hafa að miklu leyti verið nýtt í afmörkuðum tilgangi eigenda gagnanna og eru fáum öðrum aðgengileg. Dæmi eru um að sömu gögnum sé safnað upp á fleiri en einum stað
