Ráðningarfulltrúi - hefur þú brennandi áhuga á þjónustu?
Intellecta
Reykjavík
Við í ráðningardeild Intellecta óskum eftir að bæta jákvæðum og þjónustulunduðum einstaklingi í teymið okkar.
💡Sem ráðningarfulltrúi munt þú þjónusta og styðja við ráðgjafa okkar í hinum ýmsu ráðningarverkefnum. Þú færð tækifæri til að taka þátt í nær öllu sem tengist ráðningarferlinu en helstu verkefni eru meðal annars:
- Mat á umsóknum
- Bókun viðtala
- Gerð matsblaða
- Ritun greinargerða
- Undirbúningur viðtala og funda
- Umsagnaröflun
- Þátttaka í leitarverkefnum
⭐Til að ná árangri í starfinu þarft þú að hafa getu til að vinna sjálfstætt að mörgum og fjölbreyttum verkefnum hverju sinni. Verkefni okkar geta verið flókin og þá reynir á getu þína til að vinna sjálfstætt.
⭐Það er mikilvægt að þú hafir ríka þjónustulund, jákvætt hugarfar og hæfni í mannlegum samskiptum. Í starfinu er þitt aðal verkefni að þjónusta samstarfsfólk þitt og kunnum við sérstaklega að meta það þegar þú sýnir frumkvæði.
⭐Við erum fagleg og skilum vönduðum og árangursríkum ráðningum. Við leggjum mikla áherslu á vönduð samskipti, góða textasmíð og faglega framkomu. Ef þú hefur afburða skipulagsfærni, auga fyrir smáatriðum, getu til að vinna verkefnin af fagmennsku og býrð yfir framúrskarandi íslenskukunnáttu er líklegt að þú náir góðum árangri í þessu starfi.
👉 Ráðningarteymi Intellecta samanstendur af sjö kraftmiklum og samhentum ráðgjöfum sem bíða spennt eftir nýjum liðsfélaga. Það er alltaf líf og fjör og mikið að gera, en við elskum að hafa gaman og hlæjum mikið en gefum samt aldrei afslátt af fagmennskunni.
Um Intellecta:
Intellecta var stofnað árið 2000 og starfar á tveimur sviðum: ráðgjöf og ráðningum. Við vinnum með stjórnum og æðstu stjórnendum við að bæta rekstur og auka verðmæti fyrirtækja og stofnana. Ráðgjafar okkar hafa sterkan faglegan bakgrunn og víðtæka alþjóðlega reynslu. Ráðgjafarsvið Intellecta sinnir verkefnum s.s. á sviði upplýsingatækni, stefnumótunar og stjórnunar auk þess sem kjarakönnun Intellecta hefur veitt stjórnum og stjórnendum góða innsýn inn í þróun launa á markaði.
🎉Á síðasta ári fluttum við í nýtt og glæsilegt húsnæði að Höfðabakka 9, þar sem starfsfólk okkar nýtur fyrsta flokks vinnuaðstöðu og viðskiptavinir okkar fá afnot af frábærri fundaraðstöðu. Nánari upplýsingar um fyrirtækið má finna á www.intellecta.is.
Umsóknarfrestur er til og með 14. apríl 2025 en unnið verður úr umsóknum jafnóðum og þær berast. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir hæfni sem nýtist í starfi. Við svörum öllum umsækjendum að ráðningu lokinni.
Nánari upplýsingar veita Thelma Kristín Kvaran ([email protected]) og Sigríður Sandholt ([email protected]) í síma 511 1225.